1. درجة لكل سهم بعد كل إغلاق
بعد ما الجلسة تقفل، النموذج بيحسب لكل سهم درجة من −100 لـ +100 من مجموعة عوامل فنية وكمية: الاتجاه، الزخم، القوة مقارنة بمؤشر السوق، التذبذب، والأحجام. الدرجة ترتيب، مش احتمال نجاح.
محاكاة تعليمية · شرح مش توصية
نموذج سهمي محفظة افتراضية بتمشي على قواعد مكتوبة ومش بتتغير من يوم ليوم، علشان تقدر تشوف بنفسك القواعد دي بتعمل إيه في السوق الحقيقي — بالمكسب والخسارة، ومقارنة بالمؤشر. مفيش فلوس حقيقية، ومفيش أوامر شراء أو بيع.
بعد ما الجلسة تقفل، النموذج بيحسب لكل سهم درجة من −100 لـ +100 من مجموعة عوامل فنية وكمية: الاتجاه، الزخم، القوة مقارنة بمؤشر السوق، التذبذب، والأحجام. الدرجة ترتيب، مش احتمال نجاح.
المركز الافتراضي بيتفتح لما الدرجة تبقى عالية وتتأكد على جلستين، وعلى سعر افتتاح الجلسة التالية (مش على سعر إغلاق فات). مفيش دخول جديد لو أقل من 40% من الأسهم مقفلة فوق متوسط 50 جلسة (سوق ضعيف)، ولا على سهم ضربه الوقف من أقل من 5 جلسات. الأسهم المتذبذبة بتاخد حجم أصغر.
وقف الخسارة والهدف محسوبين من متوسط المدى اليومي للسهم (ATR)، ومعايرين لكل سوق. بعد ما المكسب يوصل قيمة المخاطرة، الوقف بيطلع ورا السعر يحمي جزء من الربح. والمركز بيتقفل كمان لو الدرجة ضعفت، أو لو عدّى أفق النموذج. لو الجلسة فتحت بعد الوقف، الإغلاق بيتسجل على سعر الافتتاح الحقيقي، مش على الوقف.
كل دخول وخروج متسجل بتاريخه وسعره ومش بيتعدل بعد كده. الأداء محسوب قبل تكاليف التنفيذ، ومقارن بمؤشر نفس السوق على نفس الأيام — لأن السؤال الحقيقي: كان أحسن من إنك تمسك المؤشر؟
لو كنت مسكت المؤشر بس، كنت هتعمل أحسن ولا أقل من النموذج؟ كل سوق مقابل مؤشره وبعملته.
بنحسب…
سجل افتراضي من قواعد النموذج الحالية (من إصدار 1.4)، قبل تكاليف التنفيذ، ومقابل المؤشر من غير توزيعات. النموذج مش دايماً مستثمر بالكامل، فجزء من الفرق سببه الكاش. ده قياس مش توصية بمتابعة النموذج أو تركه.
بنكتب الأخطاء زي ما بنكتب التحسينات. السجل القديم ما بيتمسحش.
v1.2 – 1.3 · سبتمبر 2026
الخروج كان بالدرجة بس، والوقف والهدف المنشورين ما كانوش بيتنفذوا. النتيجة على البورصة المصرية: 8 صفقات من غير ولا صفقة كسبانة. السجل ده محفوظ ومتاح، بس منفصل عن السجل الحالي.
v1.4 · 23 سبتمبر 2026
أول إصدار بينفّذ الوقف والهدف اللي بينشرهم. السجل الحالي بيبدأ من هنا.
v1.5 · أكتوبر 2026
مفيش شراء جديد في سوق ضعيف، حجم أصغر للأسهم المتذبذبة، والدخول على افتتاح الجلسة التالية.
7 أكتوبر – 1 نوفمبر 2026
أسعار البورصة المصرية ما اترفعتش، فالنموذج ما اشتغلش. لما رجعت، اتنقل مرة واحدة لـ 2 نوفمبر وراجع الوقف في اليوم ده بس — فصفقات زي MAAL اتقفلت على افتتاح 2 نوفمبر بخسارة أكبر من الوقف. السجل اتساب زي ما هو ومتعلّم عليه "ناقص".
نوفمبر 2026
التصليح: تنبيه يومي لو أسعار أي سوق ناقصة، وأي تأخير بعد كده النموذج بيعيد الأيام اللي فاتته يوم بيوم، فالوقف بيتنفذ في يومه.