يعني إيه تاريخ الاستحقاق وآخر يوم شراء بالحق؟
علشان تاخد الكوبون لازم تكون مالك للسهم في نهاية «آخر يوم شراء بالحق». اللي يشتري بعده بيشتري السهم من غير الكوبون. الفلوس نفسها بتوصل في تاريخ الصرف، وده بيبقى بعدها.
التواريخ التلاتة
- آخر يوم شراء بالحق: آخر جلسة تشتري فيها السهم وتستحق الكوبون.
- تاريخ الاستحقاق (السهم بدون الكوبون): أول جلسة السهم بيتداول فيها من غير الكوبون، وسعره بيفتح أقل بقيمته تقريبًا.
- تاريخ الصرف: اليوم اللي الفلوس بتنزل فيه حسابك عند السمسار.
مثال
شركة أعلنت كوبون 2 جنيه، آخر يوم شراء بالحق الأحد، والصرف بعد أسبوعين. اللي اشترى الأحد يستحق. اللي اشترى الاثنين ما يستحقش، وهيلاقي السعر فتح أقل بحوالي 2 جنيه.
بتلاقي التواريخ دي فين؟
في إفصاح الشركة على موقع البورصة، وفي أجندة سهمي لكل سهم. لو السهم في محفظتك على سهمي، بيوصلك تنبيه قبل الميعاد.
احسبها بأرقامك
5% للشركات المقيدة في البورصة المصرية وقت كتابة الحاسبة. راجع النسبة المطبقة عليك.
من كشف حسابك عند السمسار.
اكتب سعر السهم وقيمة الكوبون علشان تشوف الحساب.
أسئلة سريعة
- لو بعت السهم يوم الاستحقاق هاخد الكوبون؟
- أيوه. طالما كنت مالك للسهم في نهاية آخر يوم شراء بالحق، الكوبون من حقك حتى لو بعت بعدها.
- الكوبون بينزل إمتى؟
- في تاريخ الصرف اللي الشركة بتعلنه، وغالبًا بعد تاريخ الاستحقاق بأيام أو أسابيع.
كمّل من هنا
شرح تعليمي وحسابات، مش توصية بشراء أو بيع. راجع إعلانات الشركة وشركة السمسرة قبل أي قرار.